Aqberbaevtyń jekpe-jeginde Gennadıı Golovkın jankúıerlik etpek
ASTANA. QazAqparat - Belgisiz jaǵdaılarǵa baılanysty «Kazsport» telearnasy qazaqstandyq kásipqoı boksshy Isa Aqberbaev pen argentınalyq Rýben Angel Mıno arasyndaǵy jekpe-jekti kórsetpeıtin boldy. Bul týraly boksshynyń VKontakte jelisindegi resmı paraqshasynan habarlandy.
Aıta ketý kerek, Aqberbaev-Mıno kezdesýi boks keshiniń sońynda bolýy tıis edi. Alaıda telearnaǵa jáne qazaqstandyq jankúıerlerge yńǵaıly bolý úshin bizdiń boksshy kezdesýdi anderkarttyń basyna aýystyrdy. Osylaısha ol Astana ýaqyty boıynsha 28 aqpannan 1 naýryzǵa qaraǵan túni saǵat 01:00 saǵatta jekpe-jek ótkizýi tıis bolatyn. Qazir belgili bolǵandaı, «Kazsport» telearnasy baǵdarlamasyn ózgertip, jekpe-jekti kórsetpeıtin boldy.
Búgin Isanyń qoldaýy myqty bolatyny sózsiz. Sebebi Gennadıı men Maksım Golovkınder boks kezdesýin tamashalaý úshin Gambýrgke arnaıy keldi.
