Aqbaıan Muqanǵalıevaǵa qatysty sot-psıhıatrııalyq saraptamanyń nátıjesi áli jarııalanbady
ASTANA. KAZINFORM – Atyraý oblysy Jangeldın aýylynda bolǵan jaǵdaıǵa baılanysty qozǵalǵan is boıynsha taǵaıyndalǵan 11 saraptamanyń barlyǵy aıaqtaldy. Bul týraly Ortalyq kommýnıkatsııalar qyzmetinde ótken brıfıngide QR Ádilet mınıstrligi Sot saraptamalary ortalyǵynyń dırektory Baqytjan Baıtılesov málim etti.
Brıfıng barysynda jýrnalıster Atyraýdaǵy qaıǵyly oqıǵadan keıin elge jetkizilgen Aqbaıan Muqanǵalıevaǵa qatysty sot-psıhıatrııalyq saraptamanyń qorytyndysy nege áli jarııalanbaǵanyn surady.
– Bul iske qatysty 11 saraptama taǵaıyndaldy. Barlyǵy belgilengen merzimde, ýaqytynda aıaqtaldy, - dedi Baqytjan Baıtılesov.
Sonymen qatar ortalyq basshysy saraptama qorytyndysyn jarııalaı almaıtynyn atap ótti.
Eske salsaq, Jangeldın aýylynda turatyn otbasy 2025 jyldyń sońyna belgisiz jaǵdaıda joǵalyp ketken edi.
Sondaı-aq Atyraý oblysy Jangeldın aýylynda bolǵan jaǵdaıǵa baılanysty otbasy músheleriniń qashan óltirilgeni belgili boldy. Sot medıtsınalyq saraptamasynda jáne tergeý barysynda anyqtalǵan dálelderge sáıkes Naýryz Muqanǵalıevtiń 2025 jyldyń mamyr aıynda qaıtys bolǵany anyqtaldy. Al qalǵan úsheýi qarasha aıynda kóz jumǵan.
