Aqbaqaı turǵyndary Berdibek Saparbaevqa aýyz sý, gaz máselesimen júgindi
Atalǵan aýylda 639 adam turady. «Altynalmas AK» AQ fılıaly, orta mektep, dárigerlik ambýlatorııa, balabaqsha, kitaphana, polıtsııa tirek pýnkti jumys isteıdi. Resmı túrde jumyssyzdar sany 11 adam. Eger buryn jergilikti turǵyndar jergilikti taý-ken baıytý kombınatyna jumysqa ornalasýǵa tyryssa, qazir olaı emes, sebebi, «Altynalmas AK» AQ fılıalynyń qyzmetkerlerdi irikteý sharttary barynsha qıyndaı túsken.
«Biz úlken kásiporynda nege jergilikti kadrlarǵa degen suranystyń joqtyǵy jóninde oılanýymyz kerek. Eń aldymen, kásiporynda oryndaýshylyq jáne eńbek tártibin kóterý qajet. Al ata-analar balalaryn suranysqa ıe jumysshy mamandyqtaryn oqytýǵa jibergenderi durys», - dedi Berdibek Saparbaev.
Aktsıonerlik qoǵamnyń kásiporyndarynda Aqbaqaı aýylynan 97 adam turaqty eńbek etýde. Ótken jyly munda jergilikti segiz turǵyn jumysqa ornalasqan.
Kezdesýde aqbaqaılyqtar da ózderin tolǵandyryp júrgen máselelerdi kótere bildi. Bárinen buryn olar úılerine tabıǵı gaz tartý, aýyz sýmen qamtamasyz etý jaıyna alańdaýly.
«Men bul máselelerden habardarmyn, gazdandyrýǵa qajetti qarajat bólinedi, jýyrda Moıynqum jáne Shý aýdandary arasynda gaz taratý stantsııasy salynady. Jaqyn arada úılerińizge kógildir otyn keletin bolady», - dep sendirdi oblys ákimi.
Aýyz sýǵa keletin bolsaq, jobalaý-smetalyq qujattamany ázirleýge bıýdjetten qarajat bólindi, osydan soń aýyldy taza aýyz sýmen qamtamasyz etý boıynsha negizgi jumystar bastalmaq.
Budan soń aımaq basshysy «Altynalmas AK» AQ jumysymen, jumysshylardyń áleýmettik jaǵdaılarymen tanysyp, bas menedjer Aıdar Qojahmetovtiń esebin tyńdady.
1993 jyldan beri jumys istep kele jatqan kásiporynda jyl saıyn orta eseppen 1300 kılogramm altyn óndirilip, bir mıllıon tonna ken óńdeledi. Jumysshylardyń ortasha jalaqysy 254 myń teńgeni quraıdy. Ótken jyly kásiporynǵa 5,9 mıllıard teńge ınvestıtsııa quıyldy. Bıyl bul soma 12,3 mıllıard teńgege jetedi dep kózdelýde.
Pandemııaǵa baılanysty qazirgideı kúrdeli jaǵdaıda mundaǵy jumysshylarǵa aıtarlyqtaı materıaldyq kómek kórsetilgeni qýantady. Pandemııa kezinde ujym músheleriniń kópshiligine qosymsha 200 myń teńgeden, kópbalaly otbasy músheleri, sondaı-aq asyraýynda múgedek balalary barlardyń árqaısysyna 50 myń teńgeden berilgen desek, barlyǵy 220 mıllıonnan astam qarjy materıaldyq kómekke jumsalǵan.
Ujym jergilikti halyqtyń máselelerinen da syrt qalmaıdy. Kásiporyn aýyz sý jetkizý men qar tazalaýdy turaqty uıymdastyrady, qajet bolǵan jaǵdaıda tıisti tehnıka men quraldar bólinedi.
«Munyń bári maqtaýǵa turarlyq, kompanııa basshylyǵyna ıgi isteri úshin rızashylyǵymdy bildiremin. Dese de, sizderdi jergilikti turǵyndardy, ásirese jastardy jumysqa qabyldaý men daıyndaýǵa erekshe nazar aýdarýǵa shaqyramyn», - dep atap ótti aımaq basshysy.
Kásiporyndaǵy kezdesý eńbek zańnamasyn saqtaý jáne áleýmettik áriptestik týraly úsh jaqty memorandýmǵa qol qoıýmen aıaqtaldy.