Aqaýǵa baılanysty «General Motors» 180 myń avtomobıldi keri qaıtarady
ASTANA. QazAqparat - AQSh-tyń iri avtoóndirýshi «General Motors» kompanııasy Sotústik Amerıka naryǵynan jaryq shamdarynda aqaý bar degen sebeppen 180 myńǵa jýyq kólikti keri qaıtaratynyn málimdedi, dep habarlady «TASS» agenttigi.
Servıstik aktsııa boıynsha, AQSh aýmaǵynda shyǵarylǵan 2005 jáne 2007 jylǵy «Buick Lacrosse» jáne «Pontiac Grand Prix» sedandary, sondaı-aq Kanadada satylǵan 2005 jylǵy «Buick Allure» avtomobılderi qaıtarylady. «General Motors» bul kólikterde aldyńǵy jaryq shamnyń durys istemeýi saldarynan ol kezdeısoq sónip qalýy múmkin ekeni anyqtalǵanyn habarlady. Avtoóndirýshi atalǵan aqaýǵa baılanysty oryn alǵan qandaı da bir oqıǵa shyqpaǵanyn málimdedi. Keri qaıtarylǵan kólikter tegin jóndeledi.
