Aqan seri tutynǵan kese tabyldy
ASTANA. 11 shilde. QazAqparat -Ulttyq ónerimiz ben tól tarıh uly oljaǵa kenelip otyr. 1930 jyldary ataqty ánshi Aqan seri tutynǵan kese tabylyp, ol Astanadaǵy Sáken Seıfýllın murajaıynyń muraǵatyna ótkizildi.
Ulttyq ǵylymı medıtsınalyq ortalyǵynyń dırektory, Astana qalalyq máslıhatynyń depýtaty, Abaı Baıgenjın Aqannyń kózindeı bolǵan qundy dúnıeni murajaı ákimshiligine tabystady, dep jazady Baq.kz.
1932 jyly Abaı Qabataıulynyń ata-anasyna seriniń týystary syıǵa tartyp, amanattap ketken kese jaqsy saqtalǵan. -Aqan paıdalanǵan bul buıym men es bilgeli bizdiń úıdiń tórinde turdy. Anam marqum ómiriniń sońyna deıin keseni kóziniń qarashyǵyndaı saqtady. Murajaıǵa tabysta dep ótinish aıtyp ketken edi",- deıdi Abaı Qabataıuly.
Tarıhı jádigerdiń Sáken murajaıyna tapsyrylýynyń ózinde úlken maǵyna jatyr. Sebebi, ýaqytynda serini qurmettep, shyǵarmalaryn jınaqtap, el arasynda keńinen taratýǵa atsalysqandardyń biri Sáken Seıfýllın bolatyn.
