Aqan Sataevtyń «Boksshy» fılminde basty róldi kim oınaıdy
«Qurmetti dostar, sizderge arnalǵan mańyzdy habarlandyrýymyz bar! Aqan Sataevtyń «Boksshy» fılminde basty róldi somdaıtyn akterdiń bekitilgenin jarııalaımyz. Ol - Smadıar Sabyrov. Smadıar úshin bul kıno debıýt bolmaq! Somdalatyn obraz kúrdeli jáne jaýapty, akterden qarqyndy fızıkalyq daıyndyqty talap etedi», - dep jazdy rejısser Instagram paraqshasynda.⠀
Aqan Sataevtyń habarlaýynsha, Smadıardyń boksta úlken tájirıbesi bar.
«Soǵan qaramastan qazir kún saıyn tájirıbeli bapkermen bokstan jattyǵý ústinde jáne akterlik sheberliktiń qyr-syryn tanyp, mańyzdy rólge daıyndalýda», - dep jazady rejısser.
Eske sala ketsek, Aqan Sataevtyń boksshy Serik Sápıev týraly fılm túsirip jatqany byltyr habarlanǵan bolatyn.
«Belgili bir kınony túsirsek, ol áreketimiz qandaı da bir ıdol qalyptastyrý degendi bildirmese kerek. Bul - shynynda da, chempıonnyń, batyrdyń tarıhy. Serik 2012 jyly Jazǵy Olımpıadada jetinshi altyn medaldi alǵan kezde bul jetistik ulttyq birlikke orasan zor úles qosty. Sol kezde qalaı qýanǵanym áli kúnge deıin esimde. Ideologııa degen osy degen oıdamyn», - dedi keıin Aqan Sataev OKQ-da ótken baspasóz máslıhatynan keıin tilshilerdiń suraǵyna jaýap bere otyryp.