Aqan Sataev jańa fılmderine symbaty kelisti akterler izdeıdi
PETROPAVL. QazAqparat - Sataifilm kastıng-dırektorynyń assıstenti Áıgerim Abylhanova jańa jobalar men ondaǵy akterlerge qoıylatyn talaptar týraly áńgimelep berdi, dep habarlaıdy «QazAqparat» HAA tilshisi.
Akterlerdi irikteý «Kóshbasshy joly. Astana» jáne «Tomırıs» atty eki tolyq metrajdy kórkem fılmge júrgizilip jatyr.
Á. Abylhanovanyń aıtýynsha, Astanadaǵy kastıngke 2 myń adam kelgen. Tolyq metrajdy qoıylymy kúrdeli «Tomırıs» fılminiń túsirilimi 2018 jylǵa josparlanǵan. Bul tarıhı fılm bolmaq. Munda ártúrli tıpajdar kórsetiledi.
«Akterdy tańdaýda eń basty qoıylatyn talap - onyń daryny. Eger adam buryn kınoǵa tússe, ol birden bilinedi. Barlyǵy sýretke túsýden bastalady. Kamera adamnyń syrtqy kelbetin anyq kórsetedi. Bul basty keıipkerdi tańdaýda asa mańyzdy. Keıbir adamdar daıyndyqsyz kósheden kelse de, sahnada ashylady», - deıdi Sataifilm kastıng-dırektorynyń assıstenti.
Kastıng shilde aıynyń sońynda aıaqtalady. Naqty tańdaý qyrkúıekte jasalady. Akterlyq quram bekitilgennen keıin «Kóshbasshy joly. Astana» fılminiń túsirilimi bastalady.
