Aqan Sataev «Tomırıs» fılminde Kır patshany somdaıtyn akterdi tanystyrdy
ASTANA. QazAqparat - Aqan Sataev túsirip jatqan «Tomırıs» fılminde parsy patshasy Kırdiń rólin arab-amerıkalyq akter Gassan Massýd somdaıtyn boldy. Bul týraly rejısser óziniń Instagram paraqshasynda jazdy, dep habarlaıdy QazAqparat tilshisi.
«Dostar, bizdiń «Tomırıs» fılminde Kırdiń rólin daryndy, tartymdy ári áıgili Gassan Massýd somdaıtynyn qýanyshpen ári maqtanyshpen habarlaımyn. Ol Rıdlı Skottyń fılmderinde, ásirese «Kók Patshalyǵy» fılminde óziniń minezdi rólderimen belgili. Búgin ol birinshi ret bizdiń túsirilim alańynda jumys istedi. Bizdiń fılmge atsalysqan adamdardyń bárine zor alǵysymdy bildirgim keledi», - dedi Aqan Sataev óziniń feısbýk paraqshasynda.
Eske sala ketsek, Aqan Sataevtyń «Tomırıs» aýqymdy tarıhı týyndysynyń basty keıipkeri Almıra Tursyn jobadaǵy túsirilimderin aıaqtaǵanyn habarlaǵan bolatynbyz.
