Aqan Sataev «Reketır-2» fılminiń túsirilimin aıaqtady
ASTANA. QazAqparat - Rejısser Aqan Sataev sońǵy on jylda qazaqstandyq fılmderdiń arasynda úzdik atanǵan «Reketır» fılminiń ekinshi bóligin túsirip bitti. Bul týraly fılmge túsken akterler men shyǵarmashylyq top músheleriniń Instagram-daǵy paraqshalarynan belgili boldy.
«Reketır-2 fılminiń sońǵy kadrlary», - dep jazady Farhad Abdraımov Ásel Saǵatovamen jáne Aıan Ótepbergenmen túsken sýrettiń astyna.
«Reketır-2 jobasynyń kadr jáne kadr syrtyndaǵy kadrlaryn fılm túsiriliminiń aıaqtalýymen quttyqtaımyn. Sizdermen jumys isteý men úshin keremet bolǵanyn da aıta keteıin! Rahmet!», - dep atap ótti qoıýshy-sýretshi Názıra Baıbekova. Óziniń qýanyshyn akter Dasten Shákirov ta bildirdi. «Barlyǵyńa rahmet, dostar! Sizdermen jumys isteý bir ǵanıbet! Endi premerasyn kútemiz!», - dedi ol. Túsirilim Almatyda, Astanada jáne Qaraǵandyda ótti. Basty keıipkerlerdiń rólderin Saıat Isembaev, Ásel Saǵatova, Jan Baıjanbaev, Farhad Abdraımov, Dasten Shakırov, Aıan Ótepbergen men Maksım Akbarov somdady.
«Reketırdiń» ekinshi fılmi kelesi jyldyń kókteminde kórermenge jol tartady dep josparlanǵan.
Eske sala keteıik, «Reketırdiń» alǵashqy fılmi 2007 jyly shyqty. Fılm toqsanynshy jyldary bandylarǵa qosylyp ketken jas boksshy Saıan Bekkárimov týraly baıandaıdy.
