Aqan Sataev kishkentaı Tumar patshaıymdy izdep jatyr
ALMATY. QazAqparat - Qazaqstandyq rejısser Aqan Sataev «Tumar» patshaıymnyń bala kezindegi róline 3-10 jastaǵy qyzdardy izdep jatyr, dep habarlaıdy QazAqparat tilshisi.
Kınokartınada Tumar patshaıymnyń týǵan kezinen bastap eseıgen shaǵyna deıin kórsetiledi.
«Búginde birneshe úmitker irikteldi. Biraq tańdaý áli jalǵasyp jatyr. Úmitkerlerdiń sýretterin bizdiń kastıng dırektorymyzdyń poshtasyna jiberýge bolady» - dedi D. Shıshkın.
Budan buryn Aqan Sataev Tumar patshaıymnyń rólin somdaıtyn arýdy tanystyrǵan bolatyn.
28 jastaǵy Almıra Tursyndy kastıng dırektor Instagram jelisinen kórip, kınoǵa shaqyrǵan.
Almıra qazir psıholog mamandyǵymen jumys jasaıdy. Tumar patshaıym onyń ómirindegi alǵashqy kınosy.
«Qazaqfılm» kınostýdııasy aqyly kastıng júrgizip jatqandar týraly aqparatty joqqa shyǵardy,
«Kastıng jarııalaǵan kezde kóp adamdar osyny arqasynda ońaı olja tapqysy keledi. Alaıaqtar áreketsiz jatpaıdy. Resmı aqparat kınostýdııanyń resmı paraqshasynda jarııalandy. Kastıngterdiń barlyǵyna qatysý aqyly emes. Kastıng dırektorynyń ózi úmitkerlerdi iriktep, synaq túsirilimine shaqyrady», - dedi «Qazaqfılm» kınostýdııasynyń PR-dırektory Dmıtrıı Shıshkın.
Aıta ketý kerek, búgin áleýmettik jelide kastıng aqyly bolatyny týraly aqparat taraǵan edi.
Foto:brod.kz
