Aqan Sataev fılminiń álemdik premerasy Koreıada ótedi
ASTANA. QazAqparat - Tanymal rejısser Aqan Sataev óziniń «Ol» kartınasynyń álemdik premerasy qaı jerde ótetindigin aıtty, dep habarlaıdy QazAqparat.
«22-shi Pýsan halyqaralyq kınofestıvaliniń ashylýynda. Erteń festıval sheńberinde bizdiń «Ol» atty jańa týyndymyzdyń álemdik premersy ótedi»,- dep jazady Sataev Feısbýktegi paraqshasynda.
Eske sala keteıik, «Ol» kartınasynyń resmı treıleri mamyr aıynda shyqqan bolatyn . Fılm úlken qalada ómir súretin boıjetken qyzdyń ómirin sýretteıdi.
Halyqaralyq Pýsan kınofestıvali 1996 jyldan beri jyl saıyn ótip keledi. Ońtústik Koreıanyń Pýsan qalasynda ótetin bul baıqaý Azııadaǵy eń iri kınofestıval sanalady. Keıbir sarapshylar ony «Azııa Oskary» dep te ataıdy. Baıqaýǵa negizinen jas rejısserlerdiń jumystary qatysady.
