Aqan Sataev fılminde Prezıdenttiń jeke fotografy rolin kim somdaıdy
PETROPAVL. QazAqparat - Soltústik Qazaqstan oblystyq N.Pogodın atyndaǵy orys drama teatrynyń akteri Borıs Vasko «Kóshbasshy joly» kınoepopeıasynyń kastınginen súrinbeı ótti, dep habarlaıdy «QazAqparat» HAA tilshisi.
Teatr qyzmetkerleri QazAqparat tilshisine Borıs Vaskonyń akterlik joly 1962 jyldan bastaý alǵanyn aıtty. 30 jylǵa jýyq ýaqyt boıy ol oblystyq N.Pogodın atyndaǵy orys drama teatrynda qyzmet etip keledi.
«Sahnanyń jetekshi sheberi. Shyǵarmashyl, talantty tulǵa. Minezdi akter. Óz mamandyǵynyń sheberi, jınalǵan sahnalyq tájirıbesin utymdy paıdalanady, teatrdyń jas ártisterimen sheberlik qupııalaryn bólisedi», - degen minezdeme berdi Borıs Vaskonyń áriptesteri.
Aty ańyzǵa aınalǵan fototilshi Iosıf Býdnevıch túsirgen sýretterde elimizdiń tutas tarıhy beınelengen. Ol tyń jerlerdegi atyzdardy, alǵashqy astyq ónimin, keńestik ǵaryshkerlerdiń jerge qonýyn, Temirtaý domnasynyń alǵashqy iske qosylýyn, ıadrolyq polıgannyń jabylýyn jáne taǵy basqa mańyzdy sharalardy alǵash túsirgen fotograf. 1992 jyly Iosıf Býdnevıch QR Prezıdenti Nursultan Nazarbaevtyń jeke fotosýretshisi qyzmetine shaqyrtyldy.
