Aqan Sataev bala Tomırıs róline júrgizilgen kastıng týraly aıtty
ASTANA. Qazaqparat - «Tomırıs» tarıhı dramasynyń rejısseri Aqan Sataev Tumar hanshaıymnyń bala kúngi jáne jas kezindegi róline júrgizilgen kastıng týraly aıtyp berdi.
«Dostar, búgin bizdiń «Tomırıs» atty kınotýyndymyzdyń túsirilim alańynda jýrnalıster boldy. Árıne, sóz arasynda olarǵa kastıng týraly aıtyp berdik. Tomırıstiń 15 jastaǵy kezin Saltanat Serkebaeva, al 10 jasyn Lııa Fomına somdaıdy. 3 jáne 5 jastaǵy keıipkerlerdi áli qarastyryp jatyrmyz. Taǵy bir márte kastıngke qatysqan barlyq úmitkerlerge alǵysymyzdy aıtamyz», - dep jazdy Aqan Sataev Instagram-daǵy paraqshasynda.
Rejısser bala Tomırıstiń róline 3-ten 10 jas aralyǵyndaǵy qyzdardy izdep jatqany habarlanǵan bolatyn.
Buǵan deıin Aqan Sataev «Tomırıs» fılminde basty róldi somdaıtyn aktrısany tanystyrǵan edi. Úmitkerdi áleýmettik jelide taýyp alyp, baǵyn synap kórýge shaqyrǵan eken. 28 jastaǵy Almıra Tursyn úshin bul alǵashqy fılm bolmaq.
