Aqaevtyń kıgen kebin Q.Bakıev te kıgen sııaqty - V.Pýtın
ASTANA. Sáýirdiń 8-i. QazAqparat - RF Premer-mınıstri Vladımır Pýtın, Qyrǵyzstan prezıdenti Qurmanbek Bakıev 2005 jyldyń naýryz aıyndaǵy «jaýqazyn tóńkerisi» kezinde bılikten qýylǵan eldiń burynǵy basshylyǵynyń kebin kıip otyr dep sanaıdy.
Bul týraly RBK agenttigi habarlaıdy.
«Prezıdent Bakıev bılikke kelgen kezde Asqar Aqaevty otbasynyń kúıin kúıttep ketti dep aıyptaǵan bolatyn. Maǵan, Bakıev myrza da sol Aqaevtyń «izimen» júrip ketken sııaqty degen oı keledi», dedi V.Pýtın Qyrǵyzstandaǵy sońǵy oqıǵalarǵa túsindirme bere kele.
Sonymen birge, V.Pýtın, taraptardy sabyrlyqqa shaqyryp, zorlyq-zombylyqqa jol bermeýge úndedi. Ol sondaı-aq, «bul oqıǵaǵa Reseıdiń, meniń de, reseılik basqa da resmı tulǵalardyń da qatysy joq», dep atap kórsetti.
