Akademııalyq esýden Qazaqstan chempıonaty aıaqtaldy
TEMІRTAÝ. QazAqparat – Qaraǵandy oblysynyń Temirtaý qalasynda akademııalyq esýden Qazaqstan chempıonaty aıaqtaldy. Jeke jáne komandalyq synaqtar 25 maýsymda bastalǵan bolatyn, dep habarlaıdy QazAqparat tilshisi.
Saıysqa Qaraǵandy, Túrkistan, Pavlodar, Batys Qazaqstan oblystary men Nur-Sultan qalasynyń sportshylary qatysty.
Jeke synaq nátıjesi boıynsha Qaraǵandy oblysynyń quramasy qorjynyna jeti altyn, tórt kúmis jáne eki qola medal jınady.
Týrnır qorytyndysy boıynsha birinshi orynda – Túrkistan oblysy, ekinshi orynda Qaraǵandy oblysy, úshinshi orynda Nur-Sultan qalasynyń komandasy.
Komandalyq esepte Qaraǵandy oblysy on bir altyn, on eki kúmis jáne segiz qola medal jeńip aldy.
