Akademııalyq eskek esýden Azııa chempıonatynda Qazaqstan quramasy 2 medal aldy

ASTANA. KAZINFORM - Vetnamnyń Haıfon qalasynda ótip jatqan akademııalyq eskek esýden eresekter arasyndaǵy Azııa chempıonatynda Qazaqstan qorjynyna 2 medal tústi.

Qurlyqtyq dodada 2000 metr qashyqtyqtaǵy saıysta áıelder arasynda Roza Keńes, Marııa Chernets, Ekaterına Noskova, Irına Chýdına kúmis medal aldy.

Al 2000 metr qashyqtyqta erler arasynda jeńil salmaqtaǵy Artem Matýsevıch qola júldeger atandy.

Aıta keteıik, búgin, 19 qazanda taǵy fınaldar ótedi. Bıyl qurlyqtaǵy 18 elden jınalǵan 232 eskek esý sheberi júldege talasyp jatyr.

Byltyr Ózbekstannyń Samarqan qalasynda ótken Azııa chempıonatynda Qazaqstan 2 kúmis, 7 qola medalmen jalpykomandalyq esepte 7-orynnan kóringen edi.

Aıta ketsek, budan buryn sáýir aıynda Ońtústik Koreıanyń Chýndjý qalasynda ótken akademııalyq eskek esýden Azııa qurlyǵynyń lıtsenzııalyq jarysynda Qazaqstan quramasy akademııalyq eskek esýden 2 altyn, 1 kúmis, 1 qola medal jeńip aldy.