Akademııa ustazy dárigerlerdiń balalaryna tegin bı sabaqtaryn ótkizedi

NUR-SULTAN. QazAqparat - Qazaq ulttyq horeografııa akademııasy pedagogıka kafedrasynyń aǵa oqytýshysy Evgenıı Moıseev bal bılerinen ashyq onlaın sabaq ótkizýdi jalǵastyrýda, dep habarlaıdy QazAqparat akademııanyń Facebook paraqshasyna silteme jasap.

«Bı qýaty» áleýmettik jobasynyń aıasynda 3 tamyzdan bastap ótkiziletin sabaqtar dárigerlerdiń balalaryna arnalǵan. Degenmen qyrkúıek aıynan bastap barlyq nıet bildirýshiler osy sabaqtarǵa qatysa alady.

Kásibı horeograf júrgizetin sabaqtarda balalar bal bıleriniń negizderin úırenedi, sondaı-aq sabaqtar jobaǵa qatysýshylardyń tulǵa retinde damýyna zor úles qosady.

«Bıdegi qımyl – bul ómirdegi densaýlyq. Men pandemııa kezinde adam ómirine arasha bolǵan dáriger mamandardyń balalaryna qandaı da bir kómek qolyn sozyp, óz paıdamdy tıgizgim keldi. Olardyń bos ýaqytyn jaqsy ótkizýine sep bolyp, ómirine jańa serpilis engizgim keldi», – deıdi Evgenıı Moıseev.

Bal bıleri boıynsha onlaın sabaqtar dúısenbi, sársenbi jáne juma kúnderi saǵat 19:00-de ZOOM platformasynda ótedi. Konferentsııa ıdentıfıkatory: 637-146-4604.