Akademık Ýálıhan Bıshimbaevtyń 70 jyldyǵyna ǵylymı-tájirıbelik konferentsııa arnaldy
QYZYLORDA. QazAqparat- Qorqyt Ata atyndaǵy Qyzylorda memlekettik ýnıversıtetinde Qazaqstan Respýblıkasy Ulttyq ǵylym akademııasynyń akademıgi, memleket jáne qoǵam qaıratkeri Ýálıhan Bıshimbaevtyń 70 jyldyǵyna oraı «Qyzylorda oblysynyń ındýstrıalyq-ınnovatsııalyq damý strategııasy: jańa ustanymdar jáne tendentsııalar» atty respýblıkalyq ǵylymı-tájirıbelik konferentsııanyń plenarlyq májilisi ótti.
Oǵan Qyzylorda oblysynyń ákimi, saıası ǵylymdarynyń doktory Qyrymbek Kósherbaev qatysty, dep habarlaıdy QazAqparat ýnıversıtettiń baspasóz qyzmetine silteme jasap.
Plenarlyq májilisti Qorqyt Ata atyndaǵy Qyzylorda memlekettik ýnıversıtetiniń rektory, tehnıka ǵylymdarynyń doktory, professor Bısenov Qylyshbaı Aldabergenuly ashyp, ǵylymı sharanyń mańyzdylyǵyna toqtaldy.
Ýálıhan Qozykeuly Bıshimbaev Qyzylorda oblysynyń Qurmetti azamaty. Tehnıka ǵylymdarynyń doktory, professor, QR bilim, ǵylym jáne tehnıka salasyndaǵy Memlekettik syılyqtyń ıegeri, Qyzylorda oblysynyń bilim berý salasynyń damýyna zor eńbek sińirgen qaıratker.
Ǵylymı konferentsııa barysynda elimizdegi jetekshi joǵary oqý oryndarynyń ǵalymdary baıandamalar jasady.
Konferentsııada usynymdar qabyldanyp, salalyq baǵyttar boıynsha sektsııalar jumysy jalǵasty.
