Akademık Tursynbek Kákishulynyń jeke saıty ashylady
ALMATY. Qazannyń 18-i. QazAqparat /Erbol Azanbek/ - Fılologııa ǵylymdarynyń doktory, professor, Halyqaralyq Joǵarǵy Mektepter Akademııasynyń Akademıgi, belgili ǵalym Tursynbek Kákishulynyń jeke veb-saıty ashyldy. Erteń Almatyda saıt resmı túrde jurtshylyqqa tanystyrylady. Bul týraly QazAqparatqa «BÁIGE» ulttyq ınternet júldesiniń uıymdastyrý komıtetinen habarlady.
www.kakishev.kz ataýyn alǵan saıt «Qalamger TEN» JShS-niń tehnıkalyq qoldaýymen jáne T. Kákishulynyń shákirti, ál-Farabı atyndaǵy QAZUÝ magıstri Nurdáýlet Nurádilulynyń demeýshiligimen jasalǵan. Saıt sondaı-aq «BÁIGE» ulttyq ınternet Júldesi» jobasy aıasynda dúnıege kelip otyr. Buǵan deıin «BÁIGE» ulttyq ınternet júldesiniń uıymdastyrýshylary aı saıyn qalamgerler men ǵalymdar, qoǵam qaıratkerlerine bir saıt jasap, syılaý týraly usynys jasaǵan edi. Usynys aıasynda dúnıege kelgen alǵashqy saıtta T. Kákishovtyń ómirbaıany, foto-vıdeo maǵlumattary, ǵylymı eńbekteri, suhbattary, maqalalar jarııalanady. Veb-saıt arqyly ǵalymmen tikeleı habarlasyp, baılanys ornatýǵa múmkindik qarastyrylǵan.
Saıttyń tanystyrylymy sharasy barysynda T.Kákishevpen kezdesý ótkizilip, saıt kýáligi saltanatty túrde tabys etiledi. Sharaǵa belgili qoǵam qaıratkerleri, ǵalymdar, BAQ ókilderi qatysady.
