Akademık Skanderbek Joldasbekov dúnıeden ótti
ALMATY. QazAqparat - 2016 jylǵy 30 maýsymda 61 jasqa qaraǵan shaǵynda kórnekti ǵalym, tehnıka ǵylymdarynyń doktory, Qazaqstannyń eńbek sińirgen ǵylym qyzmetkeri, professor, QR ulttyq ınjenerlik akademııa akademıgi, akademık Ý. A.Joldasbekov atyndaǵy mehanıka jáne mashına jasaý ınstıtýtynyń bas dırektory Skanderbek Ómirbekuly Joldasbekov kenetten qaıtys boldy.
Joldasbekov Skanderbek Ómirbekuly - joǵary synypty keńistiktik ıintirekti tetikter mehanıkasy salasyndaǵy belgili ǵalym. Amerıkalyq ınjener-mehanıkter qoǵamy, Halyqaralyq ınjener akademııasy, Halyqaralyq «Ekologııalyq jańǵyrtý» akademııasynyń, QR Ulttyq ınjenerlik akademııasynyń múshesi, QO Ulttyq teorııalyq jáne qoldanbaly mehanıka komıteti prezıdıýmynyń múshesi. Joǵary sanatty tetikter teorııasyna orasan úles qosqany úshin V.G. Shýhov atyndaǵy halyqaralyq altyn medalin ıelengen.
140 ǵylymı jumys pen ónertabys, 4 oqý jáne ádistemelik oqýlyq, 4 monografııanyń avtory.
Akademık S.Ó. Joldasbekovpen qoshtasý 2016 jylǵy 2 shildede Almaty qalasy, Qurmanǵazy kóshesi, 29-úı mekenjaıy boıynsha «Ǵylym ordasy» RMK ǵımaratynda saǵat 10:00-de bolady.
