Akademık S. Satybaldınniń aǵylshyn tilindegi «Economy of Kazakhstan at century Junction» atty monografııasynyń tusaýkeseri ótti
ALMATY. 15 naýryz. QazAqparat /Áıgerim Ámir/ - Búgin ál-Farabı atyndaǵy QazUÝ-da ekonomıka ǵylymdarynyń doktory, QR UǴA akademıgi Saǵyndyq Satybaldınniń aǵylshyn tilindegi monografııasynyń tusaýkeseri ótti.
Ǵylymı eńbek kemel kóshbasshy, elimizdiń Tuńǵysh Prezıdenti N.Á.Nazarbaevqa arnaldy.
Atalmysh eńbek avtordyń «Ekonomıka jáne ómir» toptamasynyń qorytyndy úshinshi tomy. Buǵan deıin qazaq tilinde jaryq kórgen «Qazaqstan ǵasyrlar asýynda» degen atpen jarııalanǵan bul eńbek jańa derektermen tolyqtyrylyp, baıytylyp 2010 jyly Qaraǵandy qalasynda aǵylshyn tilinde «Economy of Kazakhstan at century Junction» atty monografııa bolyp shyqty.
Avtordyń aıtýynsha, kitap KSRO-nyń sońǵy 50 jyl ishindegi ekonomıkasy jáne Qazaqstan Respýblıkasynyń 19 jyldaǵy ekonomıkasynyń qalyptasýyn qamtıdy. Bul monografııada Respýblıkanyń Tuńǵysh Prezıdenti N.Á.Nazarbaevtyń ǵylymı negizdelgen reformalarynyń durystyǵy jáne jemistiligi dáleldengen.
Kitap úsh taraýdan turady. Olar - «Qazaqstan búgin», «Qazaqstan keshe», «Qazaqstan erteń» dep atalady.
