Akademık R. Tólebaev pen onyń ǵylymı mektebi qazaqstandyq otolarıngologııany halyqaralyń deńgeıge kóterdi - rektor M. Shaıdarov
ASTANA. 15 qańtar. QazAqparat /Qanat Mámetqazyuly/ - Akademık Raıs Tólebaev pen onyń ǵylymı mektebi qazaqstandyq otolarıngologııany halyqaralyq deńgeıge kóterdi.
Búgin Qazaqstan Respýlıkasynyń eńbek sińirgen qaıratkeri, Ulttyq ǵylym akademııasynyń akademıgi, IAO-HNS (otorınolarıngologııa halyqaralyq akademııasynyń) tolyq múshesi medıtsına ǵylymynyń doktory, professor Raıs Tólebaevtyń 70 jyldyq mereıtoıyna arnalǵan halyqaralyq konferentsııa barysynda Astana medıtsınalyq ýnıversıtetiniń rektory Májıt Shaıdarov osylaı málim etti.
«Raıs Tólebaevtyń basshylyǵymen negizi qalanǵan ǵylymı mektebi ónerkásip óndirisi men qorshaǵan orta faktorlarynyń joǵary tynys alý joldarynyń shyryshty qabyǵy men estý organdaryna tıgizer yqpalyn zerteýde joǵary jetistikterge jetti. Ǵalym men onyń mektebi otandyq otorınolarıngologııanyń damýyna qomaqty úles qosyp, ony halyqaralyq deńgeıge kóterdi. Ol respýblıkada tuńǵysh ret ónerkásipter men aýyl sharýashylyǵynyń ártúrli salalarynda jumys isteıtin tulǵalardyń joǵary tynys alý joldary men estý organdaryna bıologııalyq, fızıkalyq jáne hımııalyq faktorlardyń tıgizer yqpalyn keń kólemde jan-jaqty zerttedi. Tynys alatyn júıeniń fýnktsıonaldyq jaǵdaıy tereń zerttelip, joǵary tynys alý traktynyń shyryshty qabyǵy patologııasynyń etıopatogendik ádisteri alǵash ret engizildi», - deıdi M. Shaıdarov.
Sonymen qatar rektor R. Tólebaevtyń esimi búgingi kúni respýblıkada ǵana emes, shet elderdiń ǵalymdary arasynda qurmetpen atalatynyn atap ótti.
