Akademık Ómirzaq Aıtbaıuly ómirden ozdy
Ómirzaq Aıtbaıuly 1936 jyly 5 sáýirde Túrkistan oblysynyń Otyrar aýdanyna qarasty Baltakól aýylynda dúnıege kelgen.
1959 jyly ál-Farabı atyndaǵy Qazaq ulttyq ýnıversıtetiniń (ol tusta Kırov atyndaǵy QMI) fılologııa fakýltetin bitirgen. 1971 jyly «M.Gorkıı frazeologızmderiniń qazaq tilinde berilý joldary» degen taqyryp boıynsha kandıdattyq dıssertatsııa qorǵaǵan. 1959-1962 jyldary Respýblıkalyq «Sotsıalıstik Qazaqstan» gazetiniń ədebı qyzmetkeri, 1962-1974 jyldary Qazaq SSR ǴA Til Bilimi ınstıtýtyna kishi ǵylymı qyzmetkeri, 1974-1981 jyldary aǵa ǵylymı qyzmetker, 1981-1989 jyldary «Termınologııa men aýdarma teorııasy» bóliminiń meńgerýshisi bolyp eńbek etken. 1973 jyldan «Ǵylymı termınologııalyq ortalyqtyń» dırektory bolyp qyzmet etse, 1989 jyldan Respýblıkalyq «Qazaq tili» qoǵamynyń vıtse-prezıdenti, keıin prezıdenti bolǵan.
Ǵalymnyń ǵylymı zertteýleriniń negizgi baǵyttary: qazaq termınologııasynyń praktıkalyq məseleleri. «Termınologııa men aýdarma teorııasy» bóliminiń meńgerýshisi qyzmetin atqaryp júrgen tusta Ómirzaq Aıtbaıulynyń basshylyǵymen birneshe ujymdyq kitaptar (Qazaq termınologııasynyń məseleleri. «Ǵylym», Almaty, 1981; Termın jəne olardyń aýdarmalary. «Ǵylym», Almaty, 1990, 12 b.t.) baspadan jaryq kórdi. Akademık Ómirzaq Aıtbaıuly Memlekettik termınologııa komıssııasynyń múshesi, ǵalym hatshysy retinde de (1981–1991 jj.) 550-den astam ǵylymı eńbektiń, 21 kitap pen monografııalardyń avtory. «Qazaq termınologııasynyń jasalý kózderi» (1981-1984) jəne «Qazaq ədebı termınologııalyq leksıkasynyń damýy» (1985-1991), «Memlekettik tilde ǵylymı termınologııany qalyptastyrýdyń teorııalyq, ǵylymı-ədistemelik jəne praktıkalyq məseleleri» (1997-1999), «Termınologııalyq sózdikter, ədistemelik quraldar jasaý» ǵylymı-metodıkalyq joba (2008-2013) degen kúrdeli ǵylymı taqyryptarǵa jetekshilik jasady. Onyń sondaı-aq, sazgerligin tanytatyn birneshe, atap aıtqanda, belgili «Jar səlemi», «Jas oıshyl», «Ana tili», «Til óneri dertpen teń», «Aq qoıan», «Órenim» taǵy da kóptegen əni jurtshylyqqa məlim.
Foto: turkystan.kz
