Akademık Ó. Joldasbekovtiń 80 jyldyq mereıtoıyna baılanysty birinshi halyqaralyq Joldasbekov sımpozıýmy ótti
ALMATY. 1 naýryz. QazAqparat /Ádilet Musahaev/ - Búgin Ál-Farabı atyndaǵy Qazaq Ulttyq ýnıversıtetinde kórnekti ǵalym, ǵylym men bilimniń uıymdastyrýshysy, qoǵam jáne memleket qaıratkeri, senator Qazaqstandaǵy robottar mehanıkasy,
mehanızmder jáne mashınalar teorııasy mektebiniń negizin qalaýshy, akademık Ómirbek Aryslanuly Joldasbekovtiń 80 jyldyq mereıtoıyna baılanysty birinshi halyqaralyq Joldasbekov sımpozıýmy bastaldy.
Halyqaralyq jıynda arnaıy daıarlanǵan derekti fılm kórsetildi. Sımpozıým barysynda Ó.Joldasbekovtyń ǵylymı eńbekter jınaǵy men tańdamaly shyǵarmalarynyń kórmesi ótti. Arnaıy mereıtoı qarsańynda QazUÝ-dyń fızıka fakýltetiniń jańa ǵımaraty jáne fılologııa fakýltetinde Ómirbek Joldasbekovtiń jubaıy, fılologııa ǵylymdarynyń doktory, Joǵary mektep akademıgi, professor Maıa Bagisbaeva atyndaǵy aýdıtorııanyń ashylýy boldy.
Sımpozıýmnyń ǵylymı-tájirıbelik bólimindegi plenarlyq-sektsııalyq otyrysta teorııalyq jáne qoldanbaly mehanıka, qoldanbaly esep, mindetti matematıkalyq model, Qazaqstannyń ındýstrıaldy-ınnovatsııalyq damýyndaǵy mashına jasaýdyń negizgi ǵylymı tehnologııalary qarastyryldy.
Sondaı-aq shara barysynda mehanıka aýmaǵyndaǵy halyqaralyq baılanys, magıstranttar men PhD-doktoranttar daıarlaýǵa erekshe nazar aýdaryldy. QazUÝ men «Daryn» respýblıkalyq ǵylymı joba ortalyǵynyń uıymdastyrýymen oqýshylar arasynda matematıka jáne mehanıka boıynsha respýblıkalyq ǵylymı joba baıqaýy ótkizildi. Sonymen qatar Reseı, Germanııa, Italııadan kelgen oqytýshylar Qazaqstannyń jas ǵalymdary men stýdentterine arnaıy lıderlik dáristerin ótkizýde.
