Akademık Alshynbaı Rahyshev ómirden ozdy
ALMATY. QazAqparat – Almatyda orys-qazaq tilindegi anatomııalyq termınder sózdiginiń avtory, QR Ǵylym akademııasynyń akademıgi Alshynbaı Rahyshev 90 jasyna qaraǵan shaǵynda dúnıeden ozdy, dep habarlaıdy QazAqparat tilshisi S.Asfendııarov atyndaǵy Qazaq ulttyq medıtsınalyq ýnıversıtettiń baspasóz qyzmetine silteme jasap.
Alshynbaı Rahyshev 1931 jyly Qaraǵandy oblysynyń Qarqaraly aýdanynda Tegisshildik aýylynda týǵan. 1950 jyly Qaraǵandy qalalyq Medıtsına ýnıversıtetine túsken. Sodan beri A.Rahyshev oqytýshylyq jumystan qol úzbegen.
Ol qazaqstandyq medıtsınanyń damýyna zor úles qosqan.
Ol kisiniń jetekshiligimen anatomııa kafedrasynda tómen energetıkalyq gazdy lazerlerdiń júıke jáne tamyr júıesine yqpaly zerttelip kelgen.
A.Rahyshev Qazaqstan medıtsına ǵylymynda birqatar bilikti shákirt tárbıelegen.
Ǵalym 1980 jyly Parıjde medıtsınada lazerdi qoldaný boıynsha Búkilálemdik qaýymdastyqtyń qurmetti prezıdenti retinde taǵaıyndaldy.
Alshynbaı Rahyshevtiń qazaq tilinde medıtsınalyq termınderdi qalyptastyrýda eńbegi orasan zor. Eń alǵashqy qazaq-orys medıtsınalyq termınologııalyq sózdigin ol stýdenttik kezinde jazǵan.
