«Aq jol» partııasynyń tóraǵasy kezekten tys saılaýǵa pikir bildirdi
«Keshe Prezıdent Qasym-Jomart Toqaev kezekten tys saılaý ashyq ári ádil ótetinine kepildik berdi. Sondyqtan bul saılaý taza ótetinine senimdimiz. Ortalyq saılaý komıssııasy osy naýqannyń shartyn aıtý kerek, ıaǵnı úmitkerlerdi tirkeý jáne basqa da merzimderi belgilengen soń, ózimizdiń partııamyzdyń tıisti jumys kestesin quramyz», - dedi Perýashev Parlament Májilisiniń jalpy otyrysynan keıin tilshiler saýalyna jaýap bere otyryp.
Tilshiler «Aq jol» partııasy atynan saılaýǵa túsýge kim laıyqty ekenin surady.
«Partııamyzda birqatar laıyqty, belsendi ári bilimdi, tájirıbeli azamattar bar. Sondyqtan qazir aldyn ala úmitker týraly aıtý qıyn bolar. Men qazir ózim týraly eshteńe aıta almaımyn, sebebi bul sheshimdi partııanyń quryltaıy qabyldaıdy», - depýtat.
Sonymen qatar ol Memleket basshysynyń otandyq telearnalar arqyly Qazaqstan halqyna arnaǵan úndeýine pikir bildirdi.
«Halyqaralyq tájirıbege súıensek, Qasym-Jomart Toqaev sekildi prezıdenttik laýazymǵa kelgen azamattar qyzmetin tıisti merzimniń aıaǵyna deıin atqarýǵa múmkindigi bar edi. Qasym-Jomart Kemeluly kezekten tys saılaý ótkizý arqyly demokratııalyq kózqarasy bar ekenin, demokratııalyq dástúrlerdi qurmetteıtin taǵy bir kórsetti. Sondyqtan bul sheshimmen sanasyp, ony qabyldaýǵa tıistimiz. Meniń oıymsha, bul qoǵamǵa kórsetilgen qurmet», - dedi A. Perýashev.
Aıta keteıik, keshe Memleket basshysy Qasym-Jomart Toqaev otandyq telearnalar arqyly Qazaqstan halqyna úndeý arnap, onda elimizdiń Konstıtýtsııasyna sáıkes Qazaqstan Respýblıkasy Prezıdentiniń kezekten tys saılaýyn 2019 jyldyń 9 maýsymynda ótkizý týraly sheshim qabyldaǵanyn jarııalaǵan bolatyn.
«Qazaqstan - demokratııalyq memleket. Prezıdent halyqtyń tańdaýymen saılanady. Men, Memleket basshysy retinde saılaýdyń taza, ashyq ári ádil ótýine kepildik beremin! Bul - meniń berik ustanymym! Aldymyzda zor mindetter tur. Men halqymyzǵa, ıaǵnı Sizderge senemin», - degen edi Q.Toqaev.
