«Aq jol» partııasynyń tóraǵasy Azat Perýashev Mańǵystaýda júr

AQTAÝ. QazAqparat – Mańǵystaý oblysynda jumys saparymen júrgen «Aq jol» partııasynyń tóraǵasy, Parlament Májilisiniń depýtaty Azat Perýashev óńirdegi birqatar áleýmettik nysandardy aralady, dep habarlaıdy QazAqparat tilshisi.

Sapar barysynda ol jańadan boı kótergen Mańǵystaý oblystyq onkologııalyq dıspanseriniń jumysymen tanysyp, naýqastarmen tildesti.

«Elimizdiń ózge aımaqtarynda pandemııa kezinde onkologııamen aýyratyn naýqastar dári-dármek tapshylyǵyn kórgen. Biraq mundaı jaǵdaıǵa onkologııa salasyndaǵy Mańǵystaý mamandary jol bermegen eken. Jalpy «Aq jol« partııasy Parlamentte memleket qarjysyn paıdalaný jóninde máseleni jıi kóterip, synǵa alyp otyrady.

Bıýdjetten aqsha bólingennen keıin osyndaı zamanaýı tıisti nysandardyń qajetti quraldary men dári-dármegi úshin iske asyrsa, bul halyq úshinde tıimdi», - dedi A.Perýashev.

Budan soń, Májilis depýtaty Aqtaý qalasynda salynyp jatqan 180 oryndyq statsıonar jáne 20 oryndyq jansaqtaý men qarqyndy terapııaǵa arnalǵan jedel turǵyzylatyn aýrýhana qurylysymen tanysty.