«Aq jol» partııasynyń astanalyq fılıaly elordada shańǵy marafonyn ótkizdi
Úgit-nasıhat naýqany aıasyndaǵy is-shara kele jatqan 2021 jyly salaýatty ómir saltyn nasıhattaý jáne jaǵymdy qoǵamdyq kóńil-kúı qalyptastyrý maqsatynda uıymdastyryldy. Marafonǵa partııa kóshbasshysy Azat Perýashev, «Aq jol» depýtattyǵyna kandıdattar, qalalyq fılıaldyń basshylyǵy men aktıvi qatysty.
Osylaısha «aqjoldyqtar» salaýatty ómir saltyn ustanatyndyqtaryn kórsetti.
«Deni saý ult qana bıik maqsattar men mindetterdi qoıýǵa jáne olardy sheshýge qabiletti. Biz alǵa umtylatyn partııamyz. Biz salaýatty ómir saltyn qoldaımyz», - dedi fılıal tóraǵasy, Nur-Sultan qalasy máslıhatynyń depýtattyǵyna kandıdat Asqar Smaǵulov.
Jarysqa qatysqan jastar sharanyń erekshe rýh pen jigerlilik beretinin atap ótti.
Marafonnan keıin Azat Perýashev qazaqstandyqtardy Jańa jylmen quttyqtady.
«Ótken jyl bizdiń elimiz úshin ǵana emes, búkil adamzat úshin qıyn boldy. Biraq ol elimizdiń myqty birligin ekenin kórsetti, sebebi biz pandemııanyń qıyndyqtaryn birge eńserdik…
Barlyq problemalar eski jylda qalsyn. Al jańa jylda birligimiz, dostyǵymyz jáne janashyrlyǵymyz arta tússin. «Aq jol» partııasy óz saılaýshylarynyń úmitin aqtaýǵa tyrysady. Jańa, 2021 jyl jetistikter, úlkendi-kishili jeńister jyly bolsyn. Densaýlyq pen amandyq tileımin!», - dedi Azat Perýashev.
