Aq jol partııasy teledebatta qandaı másele kóterdi
«Osydan 100 jyl buryn Alash arystary: «Qazaqtyń tasy keýdesine túıme bolyp qadalýy kerek. Qazaqtyń qoıynyń júni ıyǵyna shekpen bolyp jabylýy tıis», dep aıtyp ketken. Ókinishke oraı, bizde naqty ekonomıkanyń ornyna slaıd kórsetedi. Halyqtyń qarjysy shyǵyndalǵan kásiporyn, baǵdarlama sýǵa ketip jatyr. Bizdiń maqsatymyz osyny naqty qaıtarý. Ol degenimiz ne? Ekonomıkany yryqtandyrý, memlekettiń ekonomıkaǵa qatysýyn shekteý, kásipkerlikti qoldaý», - dedi ol.
Televızııalyq pikirsaıys barysynda Berik Dúısembınov Respublica partııasynyń ókili Syrymbek Taýdyń «Aq jol» partııasy basshylyǵynyń uzaq jyldan beri ózgermeýine qatysty suraǵyna jaýap berýge tyrysty.
«Másele basshynyń aýysqanynda emes. Iá, durys ta shyǵar. Biraq, bizde «kópirdiń ústinde at aýystyrý» joq», - dep jaýap berdi Aq jol partııasynyń ókili.
Onyń paıymynsha, yqpaldy Parlament bolýy úshin bıýdjetke qatysty máseleler zań shyǵarýshy organnyń aldynda esepti bolýy tıis. Sonymen qatar saılaýda partııa Úkimetti jasaqtaýy qajet. Óıtkeni, ótken 30 jyldyń ishinde Úkimettiń jeńisine de, jeńilisine de eshkim jaýap bergen joq. Halyq qarjysy jelge ushty.
Pikirsaıystyń qorytyndy bóliginde sóz alǵan Berik Dúısenbınov saılaýshylarǵa úndeý jasady.
Eske sala keteıik, «Qazaqstan» ulttyq arnasynyń tikeleı efırinde Májilis saılaýyna qatysatyn 7 saıası partııa ókilderiniń arasynda ótken pikirsaıys birer saǵat buryn aıaqtaldy. Oǵan «Amanat» partııasynan Elnur Beısenbaev, «Aýyl» halyqtyq demokratııalyq partııasynan Jıgýlı Daırabaev, Respublica partııasynan Syrymbek Taý, Qazaqstan Halyq partııasynan Ashat Asylbekov, «Baıtaq» jasyldar partııasynan Azamathan Ámirtaev, «Aq jol» demokratııalyq partııasynan Berik Dúısembınov, al Jalpyulttyq sotsıal-demokratııalyq partııasynan Nurlan Áýesbaev qatysty.
