«Aq jol» partııasy Respýblıkalyq saılaýaldy shtabyn tanystyrdy
Aıta keteıik, 2020 jyldyń 3 qarashasynda respýblıkalyq jáne partııanyń barlyq fılıaldarynda osyndaı aımaqtyq shtabtar qurylǵan bolatyn. Respýblıkalyq shtabtyń basshysy - Azat Perýashev, Bolat Ótepbaev pen Aıgúl Jumabaeva orynbasarlary bolyp taǵaıyndaldy. Shtabqa ortalyq apparattyń barlyq jaýapty qyzmetkerleri kirdi. Saılaý aldyndaǵy quryltaıdan keıin shtab quramyna partııalyq tizimdegi kandıdattar da engizildi.
Otyrys barysynda Azat Perýashev shtabtyń qazirgi uıymdastyrýshylyq jumysy týraly aıtyp berdi. Osy aralyqta BAQ-pen kelisim-sharttar jasalyp, úgit-nasıhat materıaldary basylyp, el óńirlerinde 317 banner ornatylǵan.
«Іs-sharalardyń jelilik kestesi epıdemıologııalyq jaǵdaıǵa baılanysty apta saıyn jańartylyp, túzetilip otyrady. Qazirgi ýaqytta senimdi tulǵalardyń tizimin tirkeý boıynsha belsendi jumys júrgizilýde, keshe shtab osy másele boıynsha keńes ótkizdi», - dep atap ótti ol.
Azat Perýashev áriptesterin úgit-nasıhat sharalaryn júrgizý kezinde bas sanıtarlyq dárigerdiń barlyq nusqaýlaryn jáne saılaý týraly zańdardy múltiksiz saqtaýǵa shaqyrdy.
