«Aq jol» partııasy Prezıdenttiń Ulttyq keńestegi tapsyrmalaryna qoldaý bildirdi
Partııa tóraǵasy Azat Perýashev málimdegendeı, Memleket basshysynyń saıası júıeni reformalaý jóninde aıtqan mıtıngiler týraly habarlaý rásimine kóshý, saıası partııalardy qurýdy jeńildetý, parlamenttik oppozıtsııa ınstıtýtyn biriktirý, bıýdjettiń jumsalýyna saıası jáne qoǵamdyq baqylaýdy engizý syndy tapsyrmalary qoǵamnyń balama jolmen damýyn bildiredi.
«Aq jol» qoǵamnyń aldynda bıliktiń ashyqtyǵy men esep berýiniń strategııalyq baǵyty Tuńǵysh Prezıdent Nursultan Nazarbaev qabyldaǵan «100 naqty qadam» Ult josparynda bekitilgenin atap ótý mańyzdy dep sanaıdy.
Prezıdent Toqaev memlekettiń kemeldigi men batyldyǵyn qajet etetin osy vektordy keńinen iske asyrýdy bastady. Óıtkeni, buǵan deıin onyń prezıdenttik saılaýdy erterek ótkizgeni saıası básekelestiktiń kúsheıe túsýimen baılanysty boldy.
Osylaısha, elde júrgizilip jatqan memlekettik demokratııalandyrý saıasatynyń sabaqtastyǵy men progressıvti sıpaty kórsetildi.
Osyǵan baılanysty, «Aq jol» partııasy alǵa qoıylǵan mindetterdi qoldaıtyndynyn jáne olardy iske asyrýǵa belsendi qatysýǵa daıyn ekendigin málimdeıdi.
«Aq jol» partııasy usynylǵan demokratııalyq bastamalardy is júzinde júzege asyrý boıynsha parlamentke naqty usynystaryn usynýǵa daıyndalyp jatyr. Biz saıası reformalar eldiń qazirgi áleýmettik-ekonomıkalyq máselelerin sheshýdiń mańyzdy faktoryna aınalatynyna senim bildiremiz.»,- delingen habarlamada.
Sondaı-aq, búgin «Aq jol» partııasy Prezıdent Toqaevqa Qazaqstan Respýblıkasynyń saıası júıesin yryqtandyrýdaǵy bastamalary úshin alǵys aıtyp, hat joldady.
