«Aq jol» partııasy prezıdenttik júıeden parlamenttik respýblıkaǵa kóshýdi usyndy
«Bıýrokratııa men qarapaıym azamattardyń bılikten tys qalýyna qarsy eń tıimdi qural – memlekettik organdardyń ashyqtyǵy men qoǵam aldyndaǵy esep berýi, ıaǵnı demokratııa. Demokratııa parlamentarızmniń negizgi ınstıtýttary bolyp sanalatyn parlament jáne jergilikti máslıhattar arqyly qoǵamdyq múddelerdi alǵa jyljytý prıntsıpine súıenedi. Demokratııa degenimizdiń ózi – parlamentarızm.
«Aq jol» demokratııalyq partııasy parlamentarızm ınstıtýttaryn kúsheıtýdi jáne kezeń-kezeńimen prezıdenttik júıeden parlamenttik respýblıkaǵa kóshý bastamasyn qoldaıdy. Qazirgi kezeń bılik monopolııasynan memlekettik máselelerdi sheshýde balama pikirlerdi eskeretin tepe-teńdik júıesine josparly túrde kóshý múmkindikterin týǵyzdy», - dedi «Aq jol» demokratııalyq partııasynyń tóraǵasy A. Perýashev partııa quryltaıynda.
Azat Perýashev Qazaqstanǵa Ulttyq senim keńesi ǵana emes, Ulttyq senim Úkimeti de qajet dep esepteıdi.
«Qazirgi Konstıtýtsııaǵa sáıkes, prezıdent bıliktiń barlyq tarmaqtarynyń ózara is-qımylyna kepil bolady. Bul prezıdent fıgýrasynyń parlament pen úkimetten birdeı qashyqtyqta bolýy qajettigin bildiredi. «Aq jol» demokratııalyq partııasy Úkimet quramyn Memleket basshysy emes, parlamenttik saılaýda jeńiske jetken partııa bekitýi tıis dep esepteıdi, partııa tizimdi Prezıdentke bekitýge usynady jáne óz úkimetiniń barlyq jetistikteri men sátsizdikteri úshin jaýapty bolady. Damyǵan demokratııalardyń tájirıbesi osyndaı», - dedi partııa tóraǵasy.
Aıta keteıik, «Aq jol» demokratııalyq partııasynyń XVI saılaýaldy quryltaıynda partııanyń saılaýaldy baǵdarlama jobasy usynyldy. Partııa tóraǵasy Azat Perýashev baǵdarlamadaǵy eń negizgi basymdyq – Táýelsizdik jáne Alash ulttyq ıdeıasy ekenin atap ótti.
Sonymen birge, «Aq jol» demokratııalyq partııasy Qazaq Respýblıkasy ataýyn qaıtarýdy usyndy.
