«Aq jol» partııasy quryltaı ótetin kúndi belgiledi

NUR-SULTAN. QazAqparat - «Aq jol» partııasy quryltaı ótetin kúndi belgiledi. Búgin bul sheshimdi Qazaqstannyń Demokratııalyq partııasy Ortalyq Keńesiniń plenýmy qabyldady, dep habarlaıdy QazAqparat partııanyń baspasóz qyzmetine silteme jasap.

Esterińizge sala keteıik, buǵan deıin «aqjoldyqtar» Memleket basshysynyń merziminen buryn prezıdenttik saılaý jónindegi bastamasyn qoldaǵan bolatyn.

«Jarǵyǵa sáıkes, partııanyń saılaýǵa qatysýy jáne prezıdenttik saılaýǵa úmitkerlerdi usyný týraly sheshimdi tek joǵarǵy organ - sezd qabyldaıdy. Osyǵan baılanysty, Ortalyq keńestiń plenýmy sezdiń ótetin kúnin 24 sáýirge belgiledi. Sondaı-aq, delegattar ókildikteriniń normasyn bekitip, uıymdastyrý máseleleri boıynsha birqatar qaýly qabyldady» delingen habarlamada.

Búginde plenýmnyń jumysy jalǵasýda. «Aq jol» partııasynyń atynan prezıdenttik saılaýǵa túsetin úmitkerge qatysty usynymdardy talqylaý júrip jatyr.