«Aq jol» partııasy Almatyda avtosherý ótkizdi

ALMATY. QazAqparat – «Aq jol» demokratııalyq partııasynyń Almaty qalalyq fılıaly depýtattyqqa kandıdattardyń qatysýymen avtosherý uıymdastyrdy, dep habarlaıdy QazAqparat saıası uıymnyń baspasóz qyzmetine silteme jasap.

«Aq jol» partııasynyń nyshany men jalaýlary bar shamamen 20-ǵa jýyq aq avtomobıl avtokolonnasy tıisti qaýipsizdik talaptaryn saqtaı otyryp, Almaty qalasynyń kóshelerimen júrip ótti.

Avtosherý «Nurly taý» Bıznes ortalyǵynan bastalyp, kelesi baǵyt boıynsha jalǵasty: ál-Farabı dańǵyly – Saın kóshesi - Rysqulov dańǵyly – Súıinbaı dańǵyly – Sholohov kóshesi – Seıfýllın dańǵyly - ál-Farabı dańǵyly.