«Aq jol» partııasy tóraǵasynyń burynǵy orynbasary ne úshin qamaldy

ASTANA. KAZINFORM – Bas áskerı prokýratýra Májilis depýtaty, «Aq jol» partııasynyń tóraǵasy Azat Perýashevtyń burynǵy orynbasary Dmıtrıı Vasılevke qatysty qylmystyq istiń mán-jaıyn jarııa etti.

- Astana qalasy boıynsha Ulttyq qaýipsizdik komıtetiniń departamenti D. Vasılev jáne ózge de tulǵalarǵa qatysty Qylmystyq kodekstiń 189, 218, 286, 366, 367 jáne 450-baby boıynsha sotqa deıingi tergeý júrip jatyr, - delingen redaktsııa joldaǵan saýal jaýabynda.

Resmı aqparatta aıtylǵandaı, istiń mán-jaıyn jan-jaqty ári obektıvti túrde anyqtaý baǵytyndaǵy tergeý amaldary jalǵasady. Іs Bas áskerı prokýratýranyń baqylaýynda.

Qylmystyq kodekske sáıkes joǵaryda atalǵan baptardyń máni:

- 189-bap – senip tapsyrylǵan múlikti ıemdený nemese ysyrap etý (aıyppul ne múlki tárkilene otyryp 12 jylǵa deıin bas bostandyǵynan aıyrý);

- 218-bap – qylmystyq jolmen alynǵan kiristi zańdastyrý (10 jylǵa deıin bas bostandyǵynan aıyrý, múlikti tárkileýmen);

- 286-bap – tyıym salynǵan zattardyń kedendik shekaradan ótýi (aıyppuldan bastap ómir boıyna bas bostandyǵynan aıyrýǵa deıin);

- 366-bap – para alý (aıyppul ne múlki tárkilene otyryp 15 jylǵa deıin bas bostandyǵynan aıyrý, memlekettik laýazymdy ómir boıy atqarý quqyǵynan aıyrý);

- 367-bap – para berý (20–60 ese kóleminde aıyppul nemese 5–15 jylǵa deıin bas bostandyǵynan aıyrý, eger tulǵa óz erkimen habarlasa nemese parany talap etý jaǵdaıynda jaýapkershilikten bosatylady);

- 450-bap – bılikti teris paıdalaný (20 jylǵa deıin nemese ómir boıyna bas bostandyǵynan aıyrý, múlikti tárkileýmen).

Eske sala ketsek, byltyr qyrkúıekte Ulttyq qaýipsizdik komıteti «Aq jol» partııasy tóraǵasynyń orynbasary Dmıtrıı Vasılevtiń ustalǵanyn rastady. Bul týraly jýrnalısterge atalǵan partııanyń tóraǵasy Azat Perýashev aıtqan edi.

Buǵan deıin bir jyl boıy qamaýda otyrǵan Ulttyq ulan Bas qolbasshysynyń burynǵy orynbasary qandaı kúdikke ilingeni týraly jazǵan edik.