«Aq jol» Májilis saılaýyna túsýge nıet bildirip otyrǵan sońǵy partııa
ASTANA. 5 jeltoqsan. QazAqparat /Aıdar Ospanalıev/ - Aldaǵy jyldyń basynda ótkeli otyrǵan kezekten tys Májilis saılaýyna «Aq jol» partııasy da qatysýǵa nıet bildirdi.
Búgin Ortalyq saılaý komıssııasyna partııa bekitken úmitkerler tizimin partııa tóraǵasy Azat Perýashev usyndy.
Onyń aıtýynsha, partııa OSK-ǵa tirkeý úshin 79 úmitkerin usynǵan.
Al partııa ókilderiniń tizimin nege keshtetip ótkizgenin suraǵan jýrnalısterdiń saýalyna tóraǵa partııa tizimindegi azamattardyń 70 paıyzy kásipker ekendigin jetkizdi. «Al kásipkerler úshin deklaratsııa tapsyrý máselesi ońaı sharýa emes»,-dedi A.Perýashev.
Onyń aıtýynsha, «Aq jol» partııasy saılaýshylardyń 15-20 paıyz daýsyn jınaýǵa umtylmaq. «Bizdiń partııamyzdyń tuǵyrnamasynda aýqymdy áleýmettik máseleler bar. Onyń ishinde jumyssyzdyq, halyqty jumyspen qamtý, zeınetaqymen, turǵyn úımen qamtamasyz etý, densaýlyq saqtaý salasyn nyǵaıtý sııaqty mańyzdy máseleler bar. Tuǵyrnamamyzdyń úlken bir bóligi ındýstrııalızatsııalandyrýmen baılanysty. Ekonomıkany damytyp, kásipkerlerge qolaıly múmkindik jasaý da basym baǵyttarymyzdyń biri»,-dedi A.Perýashev jýrnalısterge bergen suhbatynda.
Osylaısha Májilis depýtattarynyń saılaýynda baq synasýǵa bel býǵan partııalar sany 8-ge jetti. Olar «Nur Otan» halyqtyq demokratııalyq partııasy, Qazaqstannyń kommýnıstik halyqtyq partııasy, «Aýyl» partııasy, «Patrıottar partııasy», «Ádilet» partııasy, «Rýhanııat» partııasy jáne Jalpyulttyq sotsıal-demokratııalyq partııasy. Elimizdiń ádilet organdarynda resmı tirkelgen partııalar sany - 10. Onyń ishinde Qazaqstannyń kommýnıstik partııasy qyzmetiniń sot sheshimine baılanysty ýaqytsha toqtatylǵandyǵyn, al «Azat» partııasynyń osy saılaýda Jalpyulttyq sotsıal-demokratııalyq partııasymen kúsh biriktirip otyrǵandyǵyn eskersek, «Aq jol» Májilis saılaýyna túsýge nıet bildirip otyrǵan sońǵy partııa.
Esterińizge sala keteıik, búgin túngi 24-00-de Májilis depýtattarynyń saılaýyna saıası partııalar atynan tizimderdi usyný merzimi aıaqtalady.
