«Aq jaıyq» jáne «Ál-Arqa» turǵyn úı keshenderindegi páterlerdi bólý boıynsha tizim bekitildi

dep habarlaıdy QazAqparat.

Qorytyndy boıynsha, 249 páter bólinip berildi. Onyń 153-i «Aq jaıyq» keshenine (104 bir bólmeli jáne 49 eki bólmeli páterler) jáne 96-sy «Ál-Arqa» keshenine (32 bir bólmeli, 64 eki bólmeli) tıesili.

«Samuryq-Qazyna» qory baspasóz qyzmetiniń málimetinshe, osy jylǵy mamyrdyń 12-si kúni «Samuryq-Qazyna» jyljymaıtyn múlik qory» «Aq jaıyq» pen «Ál-Arqa» turǵyn úı keshenderindegi páterlerdi bólýge qatysty ótinish-qujattar qabyldaýdy aıaqtaǵan. Sáýirdiń 12-si men mamyrdyń 12-si aralyǵynda atalmysh keshenderden páterler alý jóninde barlyǵy 1130 ótinish kelip túsken, ótinish berýshilerdiń 673-i «Aq jaıyq», al 457-si - «Ál-Arqa» kesheninen páter alǵysy kelgender.

«Alǵashqy qorytyndy boıynsha «Aq jaıyqtyń» 10 páterine (4 bir bólmeli, 5 eki bólmeli, 1 penthaýs) jáne «Ál-Arqanyń» 9 páterine (2 bir bólmeli páter, 7 eki bólmeli páter) ótinish bergen 19 azamat páterlerden bas tartty. Ol páterler reıtıng boıynsha kelesi kezekte turǵan azamattar arasynda bólindi. Ótinish berýshilerdiń reıtıngine sáıkes, «Aq jaıyq» keshenindegi bir bólmeli páter úshin ortasha tólem qabileti 297 myń 798 teńgege teńesti. Eki bólmeli páterler úshin ortasha tólem qabileti 664 myń 525 teńgeni qurady. «Ál-Arqa» boıynsha bir bólmeli páter úshin ortasha tólem qabileti 167 myń 246 teńgeni qurady. Al, eki bólmeli páterler úshin ortasha tólem qabileti 278 myń 125 teńgege teńesti», delingen búgingi taratylǵan habarlamada.

Baspasóz qyzmetiniń málimetinshe, Turǵyn úı komıssııasynan ótken barlyq azamattardyń da úıleri joq. 243 azamattyń 12-si Astana qalasy ákimshiliginen memlekettik turǵyn úı qorynan úı alýǵa kezekte turǵandar. Ótinish berýshi 106 azamat otbasyly, 143 azamat boıdaq. Ótinish berýshilerdiń jas shamasy 20-40 jas aralyǵy. Ótinish bergen 41 azamat alǵashqy jarnasyn tóleı alatyndyǵyn aıtqan.