Aq jaýlyqty ájeler jazǵy lagerdegi balalarǵa shı toqyp, dıirmen tartýdy úıretti
QYZYLORDA. QazAqparat-Búgin Jalaǵash aýdanyndaǵy «Aqterek» saýyqtyrý lagerinde «Nur Otan» partııasy Jalaǵash aýdandyq fılıaly jáne partııa fılıalyna qarasty «Daryn», «Mádenı mura» bastaýysh partııa uıymdarynyń uıymdastyrýymen «Uly dala qazynasy», «Baqytty otbasy - baqytty balalyq shaq» partııalyq jobalary aıasynda «Ulttyq qundylyqtarymyzdy úlgi eteıik» taqyrybyndaǵy búkilrespýblıkalyq aktsııa ótti, dep habarlady QazAqparat.
Sharanyń negizgi maqsaty - balalardyń jazǵy demalysyn tıimdi uıymdastyrý, mádenıetimizdiń birden-bir bólshegi - ulttyq salt-dástúr, ádet-ǵuryp týrasynda oı bólisý, er jáne qyz balalar tárbıesindegi ata-ananyń róli, jastarǵa ulttyq qundylyqtardyń eń mańyzdysy - ulttyq mádenıet pen salt-dástúr, ádet-ǵuryptardyń mán-maǵynasyn uǵyndyryp, keńinen nasıhattaý.
Aktsııany «Nur Otan» partııasy Jalaǵash aýdandyq fılıaly tóraǵasynyń birinshi orynbasary Q.Mustafaeva ashyp, búgingi kúnniń mańyzdy máseleleriniń biri - jas urpaqty ulttyq ıgilikter men adamı qundylyqtar, rýhanı mádenı muralar sabaqtastyǵyn saqtaı otyryp tárbıeleý kerektigin basa aıtty.
Іs-shara barysynda ulttyq naqyshtaǵy sporttyq oıyndardan jarystar (asyq atý, bes asyq, láńgi tebý), «Etno aýyl» kórmesi, «Dástúr men din sabaqtastyǵy» taqyrybyndaǵy «dóńgelek ústel» ótti. Al Eńbek, Aqaryq aýyldarynan kelgen «Asyl ájeler», «Batyr analar» ansambliniń aq jaýlyqty ájeleri jazǵy tynyǵý lagerindegi qyz balalarǵa kúbi shaıqaý, keli túıý, dıirmen tartý, shı toqý, qurt jaıýdy kórsetip, jastardyń ulttyq qundylyqtarǵa beıim de berik bolyp ósýine sep bolar jaqsy bastama kóterdi.
