Aq úıge qarý men oqtardy tasymaldaǵan er adam kirmekshi boldy
ASTANA. QazAqparat - Vashıngtondaǵy Aq úıdiń qasynda birneshe shtat arqyly tasymaldap, tirkelmegen qarýdy saqtaǵany úshin aıyptalyp otyrǵan aıovalyq er adam ustaldy. Bul týraly RBK habarlaıdy.
Davenport turǵyny, 41 jastaǵy Ar Djeı Kafım AQSh Prezıdentiniń bas rezıdentsııasynyń shyǵys jaǵynda turǵan Qupııa qyzmet ofıtserine baryp, Aıovadaǵy bireý oǵan Aq úıge kirýge nusqaý bergenin aıtqan. Tártip saqshylary birneshe kvartal alys turaqqa qoıǵan onyń Volkswagen Passat kóligin teksergen kezde, onyń júk salǵysh bóliginen 40-tan astam oq-dárisi bar myltyq pen alty dıýımdik pyshaqty tapty. Kafım tirkelmegen qarýdy saqtaǵany úshin aıyptalyp, qamaýǵa alyndy. Sondaı-aq oǵan qarsy qosymsha aıyptaýlar da taǵylýy múmkin.
