Aq úıdiń saıtynda BAQ úshin «Uıat taqtasy» paıda boldy

ASTANA. KAZINFORM – Donald Tramp ákimshiligi AQSh Prezıdenti týraly «jalǵan» taratty dep aıyptalǵan medıanyń tizimin jasady, dep habarlaıdy DW.

Aq úıdiń saıtynda «birjaqty jáne jańylystyratyn aqparatty áshkereleý» bólimi paıda boldy. Onda «Aptanyń medıa qylmyskeri», «uıat taqtasy», «kóshbasshylar taqtasy», «retsıdıvıster» sııaqty aıdarlar bar.

AQSh pen Ulybrıtanııanyń eń iri aǵylshyn tildi telearnalary, aqparat agenttikteri, portaldary men gazetteri ártúrli sanattarǵa engizilgen: MSNBC, CBS News, ABC News, BBC, CNN, The Washington Post, The New York Times, The Wall Street Journal, Politico, Axios, Associated Press, The Hill, The Boston Globe, The Independent, Los Angeles Times, USA Today.

Buǵan deıin Tramp sózine qatysty janjalǵa baılanysty BBC-di 1 mıllıard dollar talap etip, qorqytqany habarlanǵan bolatyn.

Brıtandyq habar taratý korporatsııasynyń (BBC) bas dırektory Tım Deıvı jáne BBC News jańalyqtar qyzmetiniń basshysy Debora Terness BBC Panorama baǵdarlamasynda Donald Tramptyń sózi burmalanyp óńdelgennen keıin týǵan daýdyń saldarynan qyzmetinen ketetinin jazǵan edik.

Brıtandyq habar taratý korporatsııasy AQSh prezıdentinen keshirim surady, biraq onyń ótemaqy tóleý týraly talabyn qabyldamady.