Aq úıdiń baspasóz hatshysy Kerolaın Levıtt qyzmetinen ketedi
ASTANA. KAZINFORM – Kerolaın Levıtt tamyz aıynda Aq úıdiń baspasóz hatshysy qyzmetinen ketedi. Bul týraly AQSh prezıdenti Donald Tramp málimdedi, dep habarlaıdy DW.
– Men Aq úıden ketip, ómirimniń jańa kezeńin bastaý týraly ońaı emes ári qımastyq sezimge toly sheshim qabyldadym, – dedi Kerolaın Levıtt.
Ol mundaı sheshim qabyldaýyna eki balasyna kóbirek ýaqyt bólgisi keletini sebep bolǵanyn túsindirdi.
Donald Tramp Truth Social áleýmettik jelisinde Levıttke Aq úıdiń baspasóz hatshysy qyzmetindegi jumysy úshin alǵys aıtyp, ony «Aq úıdegi naǵyz kóshbasshy» dep atady.
AQSh prezıdentiniń aıtýynsha, Kerolaın Levıtt aldaǵy ýaqytta «basty syrtqy keńesshilerdiń biri ári Respýblıkalyq partııadaǵy yqpaldy tulǵa» bolady.
Aıta keteıik, Andrash Baka Vengrııanyń jańa prezıdenti bolyp saılandy.
