Aq úıdiń aldynda UFC týrnıri arenasynyń qurylysy bastaldy
ASTANA. KAZINFORM – Amerıka táýelsizdiginiń 250 jyldyǵyn toılaýǵa arnalǵan is-sharalar qarsańynda Aq úıdiń aldyndaǵy ońtústik kógalda UFC arenasynyń qurylysy bastaldy.
UFC Freedom 250 atalǵan is-shara 14 maýsymda, prezıdent Donald Tramptyń 80 jyldyq mereıtoıynda ótedi dep josparlanǵan. UFC bul jobaǵa shamamen 60 mln dollar jumsaýdy josparlap otyr.
Ótken aıda Tramp tilshilerge rıngte 4500 jankúıerge oryn bolatynyn, taǵy 50 myńnan 100 myńǵa deıin adam jekpe-jekti Aq úıdiń ońtústiginde ornalasqan Ellıpste ornatylǵan «úlken ekrandarda» kóre alatynyn málimdedi.
- Men kóptegen iri is-sharaǵa qatystym. Biraq eshqaısysy Aq úıdiń aldynda ótken UFC jekpe-jegi sııaqty qyzyǵýshylyq týdyrǵan joq, - dedi Tramp buǵan deıin Sopaq keńsede.
Construction has begun at the White House for UFC Freedom 250 🇺🇸 #UFCWhiteHouse
— UFC on Paramount+ (@UFConParamount) May 26, 2026
SUNDAY | June 14 on @paramountplus pic.twitter.com/ImZK1RgOY1
Alty jekpe-jek ótedi dep shamalanyp otyr. Negizgi oqıǵa chempıondyq tıtýl úshin eki jekpe-jek bolmaq. Brazılııalyq Aleks Pereıra UFC-diń aýyr salmaqtaǵy ýaqytsha tıtýly úshin frantsýz Sırıl Ganmen, al grýzın Ilıa Topýrııa jeńil salmaqtaǵy qazirgi ýaqytsha chempıon Djastın Geıtdjımen kezdesedi.
Aq úı buryn sporttyq is-sharalar men oıyn-saýyq jarystar ótkizgen. Biraq UFC shoýy onyń aýmaǵynda ótetin alǵashqy kásibı sporttyq shara bolmaq.
Amerıkalyq kóshbasshy UFC basshysyn jaqyn dosy dep sanaıdy jáne osy sport túriniń jankúıerlerin óziniń saıası elektoratynyń qataryna qosyp otyr.
Eske salsaq, Tramp UFC jekpe-jeginiń Aq úıde ótetin kúnin ótken jyldyń qazan aıynda jarııalaǵan-dy.
