Aq úıdiń mańyndaǵy eki oqıǵadan keıin ǵımarattyń kúzeti kúsheıtildi
ASTANA. QazAqparat - AQSh-tyń Qupııa qyzmeti taıaýda oryn alǵan eki oqıǵadan keıin Aq úı mańyndaǵy qaýipsizdik sharalaryn kúsheıtetinin jarııalady.
VVS-diń jazýynsha, juma kúni pyshaqpen qarýlanǵan er azamat atalǵan nysannyń kúzetiletin aýmaǵynan ótip, ǵımarattyń kireberisine deıin jetken. Bul oqıǵa boıynsha Omar Gonzales esimdi azamat qamaýǵa alyndy.
Al ekinshi oqıǵa senbi kúni oryn alǵan eken. Taǵy bir er azamat Aq úıdiń qaqpasynyń aldyna deıin kólikpen kelip, osy jerden ketýden bas tartqan.
Osydan keıin qyzmettiń dırektory Djýlııa Pırson AQSh Prezıdenti rezıdentsııasynyń soltústik qorshaýy boıyn baqylaý men sholǵyndaý sharalaryn kúsheıtý týraly buıryq berdi.
