08:27, 10 Qańtar 2018 | GMT +6
Aq úıdiń baspasóz qyzmeti Qazaqstan Prezıdentiniń Amerıkaǵa baratynyn habarlady
VAShINGTON. QazAqparat - Amerıkanyń birqatar buqaralyq aqparat quraldary Qazaqstan Prezıdenti Nursultan Nazarbaevtyń kelesi aptada AQSh-qa saparlaıtyny týraly habar taratty.
Reuters agenttigi Aq úıdiń baspasóz qyzmetine silteme jasaı otyryp Nursultan Nazarbaev pen Donald Tramptyń 16 qańtarda kezdesý ótkizetinin habarlady.
Kezdesý barysynda Memleket basshylary ekijaqty strategııalyq áriptestikti tereńdetý jáne kúsheıtý máselesin, sonyń ishinde óńirlik jáne ekonomıkalyq yntymaqtastyqty talqylaıdy.
Tramp pen Nazarbaev, sondaı-aq, birqatar halyqaralyq máselelerdi, sonyń ishinde Qazaqstan BUU QK Tóraǵasy retinde ushyrasyp otyrǵan Aýǵanstandaǵy jaǵdaıdy talqylamaq.
