Aq úıdiń aýmaǵyna basa-kókteı kirgen kólikten 800-den astam patron tabyldy
ASTANA. QazAqparat - Aq úıdiń qorshaýynan ótip, AQSh prezıdentiniń rezıdentsııasyna bir-aq jetken Omar Gonzalestiń kóliginen 800-den astam patron, eki balta men pyshaq tárkilendi.
Bul týraly federaldyq prokýror málim etti, dep habarlaıdy ITAR-TASS.
Budan buryn da ol shilde aıynda mergender myltyǵymen jáne kartamen tutqyndalǵanyn Aq úı atap ótedi.
19 qyrkúıekte Qupııa qyzmeti Tehas shtatynyń turǵyny 42 jastaǵy Gonzalesti tutqyndady, ol Aq úı qorshaýynan ótip ketip, AQSh prezıdenti rezıdentsııasynyń kireberisine deıin jetken. Alaıda ony kúzetshiler ustap úlgerdi.
Obama ol kezde otbasymen birge birneshe mınýt buryn Aq úıden shyǵyp, Merılend shtatynda qala syrtyndaǵy rezıdentsııasyna ketken bolatyn.
