Aq úıdegi kezdesý: Tramp qarý-jaraq jetkizý týraly jaýap berdi

ASTANA.KAZINFORM —  Tramp amerıkalyq qarý-jaraq jetkizý týraly jaýap berdi. Bul týraly BBS News habarlady. 

BBS-diń Ýkraınalyq qyzmetiniń tilshisi Mıroslava Petsa Donald Tramp pen Vladımır Zelenskııdiń kezdesýiniń basynda  «Prezıdent myrza, eger bitim bolmaıtyn bolsa, Ýkraınaǵa taǵy qarý-jaraq jiberesiz be?» dep surady tilshi.

— Iá, biz taǵy da qarý jiberemiz. Biraq, men óte kóp jiberýge týra kelmeıdi dep úmittenemin, óıtkeni biz bul jaǵdaıdy tez aıaqtaýǵa úmittenemiz. Kóp qarý jibermeýge úmittenemiz, biz soǵysty tez aıaqtaýdy kózdeımiz, sonda basqa istermen aınalysa alamyz. Biraq  qoljetkizilgen kelisimderdi joǵary baǵalaımyz, óıtkeni bizge sizderdegi keıbir nárseler kerek jáne qazir bizdiń elge ádiletti túrde qaraıdy, — dep jalǵastyrdy AQSh prezıdenti, paıdaly qazbalar týraly kelisimdi meńzep.

Ol bul soǵys múldem bastalmaýy tıis ekenin atap ótti.

— Baıden bulaı istegen joq, biraq ol ne istese de, soǵys báribir bolmaýy kerek edi, bul soǵys múldem bastalmaýy tıis edi. Sizdiń suraǵyńyzǵa jaýap «ıá» bolady, biraq men kóp jiberýge týra kelmeıdi dep senemin, óıtkeni bárin tez aıaqtaýǵa úmittenemin, — dep oıyn túıindedi Tramp.

Eske salsaq Aq úıde Tramp pen Zelenskııdiń kezdesýi ótip jatyr.