Aq úıde UFC is-sharasyn ótkizýge qarsy sot isi qozǵaldy
ASTANA.KAZINFORM - AQSh-ta Aq úıde UFC jekpe-jegin ótkizbeýdi talap etetin sot isi qozǵaldy, dep habarlaıdy CBS News.
«Qoǵamdyq tutastyq jobasy» uıymynyń atynan berilgen federaldy shaǵym prezıdent Donald Tramptyń 80 jasqa tolýyna oraı Aq úıdiń ońtústik kógalynda Ultimate Fighting Championship týrnırin ótkizýge tyıym salýdy kózdeıdi. Sot isi is-shara josparyn «tereń jemqorlyqqa toly» dep ataıdy jáne olardyń prezıdent pen onyń odaqtastaryn baıytýǵa baǵyttalǵanyn aıtady.
Aryzdanýshy tarap ulttyq saıabaq aýmaǵynda týrnır ótkizý federaldy zańdy buzady dep málimdeıdi, sebebi nysan qurylysy Kongress tarapynan maquldanbaǵan jáne ekologııalyq saraptamadan ótpegen. Olar sondaı-aq týrnır kommertsııalyq sıpatta jáne Aq úı aýmaǵynda ótkizilgenine qaramastan, resmı úkimettik is-shara emes dep málimdeıdi.
Sot isinde bul is-shara UFC-diń bas kompanııasyna ınvestıtsııa salǵan AQSh prezıdentine, UFC bas dırektory Dana Ýaıtqa, sondaı-aq kompanııanyń habar taratý seriktesi, CBS News-tiń bas kompanııasy Paramount SkyDance jáne onyń jarnama berýshilerine qarjylyq paıda ákeletini aıtylǵan.
Buǵan deıin Tramp 14 maýsymda Aq úı aýmaǵynda tarıhı UFC týrnıri ótetinin jarııalaǵan bolatyn.
Aq úıdiń aldynda UFC týrnıri arenasynyń qurylysy bastalyp ta ketti.
