Aq úı Trump TV arnasyn iske qosty
ASTANA. KAZINFORM — Dúısenbi kúni Aq úı táýlik boıy jumys isteıtin Trump TV arnasyn iske qosty. Arna YouTube-ta AQSh prezıdenti Donald Tramptyń sóılegen sózderi men onyń ákimshiliginiń is-sharalary týraly habar taratady, dep habarlaıdy Kazinform.
— Tramp ákimshiliginiń eń mańyzdy sátterin bir jerden kórińiz, — delingen arnanyń YouTube efırindegi sıpattamasynda.
Trump TV efıri Donald Tramptyń 3 shildedegi Rashmor taýynda sóılegen sózimen — «TRUMP TV: The Essentials Station» atty kórsetilimmen ashyldy.
IT’S LIVE. 📺🦅 TRUMP TV IS STREAMING NOW. 24/7, updated in real time, with top past moments, announcements, and the latest and greatest from the administration all in one place. Not every big moment has made it on your tv, now it can. 📲 https://t.co/3KwWkBZ69m https://t.co/g4v7n2J04s
— The White House (@WhiteHouse) September 21, 2026
Arnanyń tusaýkeserinde, sondaı-aq Aq úı basshysynyń kópshilik aldynda sóılegen sózderi men sózderiniń, sonyń ishinde AQSh-tyń 47-shi prezıdenti retindegi ant berý rásiminiń kadrlary kórsetildi.
Trump TV arnasy AQSh prezıdenti CNN, MS NOW jáne Politico jýrnalısterin «jalǵan aqparat» taratty dep aıyptap, Aq úı aýmaǵyna kirýge tyıym salǵannan keıin iske qosyldy.
— Aq úı erkin baspasózge eshqandaı shabýyl jasamaıdy, men muny joǵary baǵalaımyn. Ol Amerıka Qurama Shtattarynda qaterli isik sııaqty órship ketken jalǵan aqparattarǵa qarsy kúresedi. Bul — sybaılas jemqorlyqqa toly, ádeıi jasalǵan, keń taralǵan, tolyǵymen úılestirilgen jáne baqylaýdan shyǵyp ketken qubylys. Bul bizdiń ulttyq qaýipsizdigimizge qaýip tóndiredi jáne ony dereý toqtatý kerek! — dep jazdy AQSh prezıdenti Truth Social saıtynda.
Buǵan jaýap retinde prezıdent pýlyndaǵy bes iri arna — ABC, CBS, NBC, CNN jáne Fox News Tramptyń is-sharalaryn birlesip beınetaspaǵa túsirýdi toqtatty.
Yntymaqtastyq tanytý maqsatynda basqa da BAQ-tar da shara qoldandy. AP, AFP, Washington Post jáne The New York Times sııaqty birneshe basylymdar dúısenbide prezıdent qatysqan is-sharalardyń fotosýretterin jarııalamaý týraly sheshim qabyldady.
Eske sala keteıik, Aq úı Wall Street Journal-dy Tramptyń baspasóz pýlynan alyp tastaǵan bolatyn.
Nurlan Tuıaqov
