Aq úı Tramptyń sheteldik kóshbasshylarmen áńgimesiniń qalaı tarap ketkenin tekseredi
ASTANA. QazAqparat - AQSh ákimshiligi Donald Tramptyń sheteldik kóshbasshylarmen telefonmen sóılesken áńgimesiniń qalaısha BAQ-qa jarııalanyp ketkenin tekseredi, dep málimdedi Aq úıdiń resmı ókili Shon Spaıser. Bul týraly RIA Novostı jazdy.
«Biz bul jaǵdaıdy tekserip jatyrmyz, bul shyn máninde alańdatarlyq jaıt», - dedi Spaıser The Hill gazetine bergen suhbatta. Onyń aıtýynsha, «aqparattyń málim bolýy qoldanystaǵy quqyqtar men zańdardy órskel buzyp otyr».
Aq úı ókili qandaı tergeý júrgizilip jatqanyn ashyp aıtpady jáne memleket basshysynyń ózi alańdap otyrǵanyn jetkizdi. «Árıne alańdaıdy. Onyń telefonmen aıtqan áńgimeleri jurtqa málim bolyp otyr, bul shyn máninde qaýip týdyrarlyq jaıt», - dedi ol.
Buǵan deıin Reıter agenttigi Reseı Prezıdenti Vladımır Pýtınmen áńgimelesý kezinde Tramptyń New Start kelisimin sátsiz dep ataǵanyn habarlady. Turaqty brıfıng barysynda Spenser eki kóshbasshy arasyndaǵy jeke áńgime taqyrybyn talqylaýdan bas tartty.
