Aq úı Tramptyń Nazarbaevpen sóılesken kezdegi sýretin jarııalady
ASTANA. QazAqparat - Jelide Amerıka Qurama Shtattarynyń Prezıdenti Donald Tramptyń Nursultan Nazarbaevpen telefon arqyly sóılesý sátinen túsirilgen sýret tarady, dep habarlaıdy QazAqparat tilshisi.
«Aq úıdiń áleýmettik medıa jónindegi dırektory Den Skavıno AQSh Prezıdenti Donald Tramptyń Prezıdent Nursultan Nazarbaevpen telefon arqyly suhbatynyń sýretin jarııalady», - dep jazady QR Syrtqy ister mınıstrliginiń baspasóz hatshysy Ánýar Jaınaqov Feısbýktegi paraqshasynda.
Today, President Donald J. Trump talks on the phone with Kazakhstan President Nursultan Nazarbayev in the Oval Office @WhiteHouse . pic.twitter.com/kOc4WKYaTs
— Dan Scavino Jr. (@Scavino45) 1 sentıabrıa 2017 g.
Eske sala keteıik, 1 qyrkúıekte Nursultan Nazarbaev Amerıka Qurama Shtattarynyń Prezıdenti Donald Tramppen telefon arqyly sóılesken bolatyn.
Áńgimelesý barysynda Donald Tramp Qazaqstan Prezıdentin Astanadaǵy «EKSPO-2017» halyqaralyq kórmesiniń tabysty ótýimen quttyqtap, Amerıka delegatsııasynyń osy is-sharaǵa qatysý nátıjelerin joǵary baǵalady.
Telefon arqyly sóılesýge AQSh jaǵy bastamashy boldy.
